Tumeshtushwa sana na matokeo haya ya wadogo zatu Viziwi toka Shule Maalum ya Sekondari ya VIZIWI Njombe, Shule hii ni Shule pekee ya Sekondari Maalum kwa Viziwi Tanzania. Elimu Afrika imekuwa ikilia na kutetea Elimu kwa VIZIWI nchini tukiamini Elimu ndio tegemeo pekee la kumkwamua mtoto Kiziwi.
Shule nzima kupata daraja sifuri inasikitisha sana sana, ukizingatia Tanzania Cheti cha Kidato cha Nne ni moja ya vyeti muhimu sana baada ya cheti cha kuzaliwa. Kwa matokeo haya hakuna mwanafunzi yeyote kati ya hawa 21 atakayepata Cheti cha Kidato cha NNE, inaumiza sana.
Ni wakati sasa kwa Jamii, Wazazi, Viongozi wa Shule na Wizara ya Elimu kufika shuleni Njombe na kubaini changamoto zinazokabili shule, wanafunzi na usahihishaji wa mitihani yao ili kuona nini kifanyike fedhea kama hii isitokee tena kwani hii ni dalili za kuteketeza ndoto za watanzania wenzetu.
Elimu Afrika tupo kwaajili ya Elimu, tutajitahidi kutafuta na kurusha kila taarifa iliyosababisha matokeo haya ili wadau waone nini cha kufanya kunusuru kidato cha NNE 2018.
0 Comments