DIWANI WA OLASITI

Mi Masai.. bana mi Masai ..bana, tamaduni iliyobaki Afrika... Alisema Mr Ebbo Mtika

Ndugu zangu ninamshukuru sana Mungu kutuwezesha kufika Mwezi huu wa Nne, naamini hatujafika kwa nguvu zetu, ila rehema na neema za Mungu, basi tuendelee kufuatilia makala yetu ya kila Ijumaa yenye kichwa cha utambulisho “DIWANI WA OLASITI”

Ndugu zangu ninawashukuru kwa kufuatilia makala hii maridhawa yenye lengo CHANYA la KUIBUA, KUTAFAKARI na kuchakua HATUA katika masuala yanayotugusa wananchi wa Kata ya Olasiti.

Wiki iliyopita niliweza kuchambua maswala mawili, yaani Diwani ni nani na Udiwani ni nini?

Leo nitaendelea hatua ingine mbele kuibua moja ya kero Kubwa ya wanaOlasiti na kueleza sifa za Diwani tunayemuhitaji Olasiti.

Kwa kuanza niseme wazi kuwa wananchi wa Olasiti tunakabiliwa na tatizo la Miundomindu na Usafirishaji. Barabara zetu za mitaa Olasiti inasikitisha kwa ujumla, nikianzia na barabara za mitaa ya Olasiti kati, Burka, Olkereyani, Kimindoros  na Oloresho, barabara hazina mfumo uliopangika ki mipango miji, haina mifereji na baadhi hazipitika kabisa.

 Kata ya Olasiti ni moja ya kata zilizomo ndani ya Jji la Arusha na zinaudumiwa na Halmashauri ya Jiji la Arusha chakushangaza katika bajeti fedha zinatengwa lakini katika ufuatiliaji na utekelezaji ndipo pana shida kubwa. Kwa mfano barabara yetu inayoingilia kituo cha Kibo ni mbovu kwelikweli, jirani kabisa mwekezaji Kibo pana Daraja lisilo na kiwango na shimo pembeni linaloweza leta madhara kwa watembea kwa miguu, waendesha pikipiki hata magari, mfano mwingine ni barabara ya Oloresho inayoelekea NJIKAKA inasikitisha kwelikweli, barabara za mitaa ya burka, olkereyani na kipindi tukiendeacho cha Mvua baadhi hazitapitika kabisa.

Usafirishaji ni tatizo Sugu linalotukabili Wananchi wa Olasiti, kukosekana kwa usafiri wa magari madogo ya Abiria (Hiace) inasababisha adha kubwa, garama kubwa ya usafiri, mfano ukitaka kwenda kununua mbogamboga soko la mbauda au soko la kilombero unatakiwa uwe na nauli ya shilingi elfu tatu, yaani elfu moja ya pikipiki ya kutoka kwako hadi barabara ya lami alafu mia nne ya hiace ya kwenda na kutoka sokoni. Hali hii haivumiliki kabisa kwasababu Sumatra wametoa vibali vya usafirishaji kwa wamiliki wa Hiace ziendazo Olasiti (Stand       Olasiti) chakushangaza ni kuona magari yao yakielekea kwa Mrombo.

Maswali ya Kujiuliza.

Je Sumatra Arusha mnayajua haya na kuyafumbia macho? Wamiliki wa Hiace kwanini mnafanyabiashara kunyume cha Vibali? Madereva kwanini mnaingilia ruti zisizozenu? Wananchi kwanini mnakubali kupanda hiace imeandikwa Standi hadi Olasiti ni mnakubali dhuluma hii?

SIFA ZA DIWANI

 Kwa leo nitataja moja, nayo kama Kiongozi wa Wananchi anapaswa kujua TATIZO na kuchukua HATUA ya kupata UFUMBUZI wa tatizo.    

Tunaamini huu ni muda muafaka wa waliopewa dhamana ya kututumikia  wananchi wa Olasiti watatekeleza wajibu kwa mujibu wa majukumu yao, vinginevyo Wananchi wataamua kuchagua Viongozi wengine watakaoweza KUWASIKILIZA, KUWAHESHIMU, KUWAPENDA, KUWAJALI NA KUWATUMIKIA kwa kuwezesha barabara zetu zote kuwa za viwango bora na kupitika wakati wote.

USHAURI WA KWELI 

NI WANANCHI WA OLASITI CHAGUENI CHADEMA KATIKA UCHAGUZI UJAO WA SERIKALI ZA MITAA NA UDIWANI KWA MAENDELEO NA DEMOKRASIA YA KWELI.

“CHADEMA NDIO TUMAINI PEKEE LA WANAOLASITI”

Makala hii imesheheni ukweli na ushaidi si porojo pekee

ona ushaidi wa bajeti iliyotenga sh Milioni 19, 400,000/= kwa ajili ya barabara Olasiti 

 Hii ni moja ya ukurasa unaoeluza kiasi cha Fedha zilizopangwa kwaajili ya barabara Olasiti, kinyume chake vijana wetu wamekuwa wakijitolea kuchimba mifereji iliyokuwa na kiwango kwa ujira mdogo wapewanzo na wananchi wenyewe hasa wafanyabiashara wa maduka.... 
Hali hii Haivumiliki kabisa..
 Naomba niwapongeze sana waendesha BODABODA bila nyie Usafiri wa Olasiti usingewezekana kabisa na Muendelee kuitumikia Jamii hii kwa Umakini huohuo.

Makala itaendelea kuibua mengi mazuri wiki ijayo...