"NGUVU YA UMMA" YAPIGA STOP KIWANDA CHA A TO Z

TATIZO LA KIWANDA CHA (A TO Z) KUCHAFUA MAZINGIRA.

OLASITI

Kweli kuna Janga linalosabaishwa na Mwekezaji wa Kiwanda cha (A to Z) kwa kuelekeza mfumo wa maji taka wa kiwanda kwenye moja ya Mto unaopatikana Kata ya Olasiti, Mtaa wa Oloresho, Mto Oloresho.

Mwenyekiti wa Mtaa wa Oloresho, Ndugu. Eliakimu Olodi akieleza Sakata lote alianza

“ Mimi nilipokea simu toka kwa Balozi nikiwa kanisani akinijulisha wananchi wameitisha kikao cha dharura na wananihitaji kwa haraka, ikanibidi nitoke kanisani nije kujua dhumuni la kikao, nilipofika nikawakuta wanachi wakiwa na Hasira sana kutokana na kiwanda cha (A to Z) kutiririsha maji machafu, yenye rangi ya sumu kwenye chanzo cha maji cha Mto Oloresho na wananchi walipanga kuandamana”

“Basi nikawaomba wananchi, tusichukua hatua ya haraka kabla yakuwa uthibitisho na uhakika wa jambo tulifanyalo, kwahiyo baada ya malumbano ya hoja ya muda mrfu tuliazimia, tukakague mfereji na madhara yaliyosababishwa na maji hayo, ndio unatuona tupo hapa mguu kwa mguu kukagua maji haya, eneo lililotengwa na Kiwanda kutitisha uchafu wote wa kiwanda” 

Pia alisema

“Tatizo hili ni la muda mrefu, hata mwaka jana wananchi waliandamana kwenda kwa Diwani, wakafika hadi kiwandani, kweli baada ya hayo maandamano kiwanda kikafunga maji haya kwa muda”

Aliendelea kueleza kuwa

“Tangu mvua zianze mwaka huu tumeona tena maji yenye rangi ya kutisha yakitiririka kluelekea kwenye makazi ya wananchi, mashama ya wananchi, mbaya zaidi ni kutiririkia kwenye Mto Oloresho, kwani Mto huu wananchi wanatumia maji hayo kwa kufulia, kuogea na Ng’ombe kunywa”

“Kinachonisikitisha kabisa nimekuwa nikizungumza kuhusu jambo hili kwenye kikao cha maendeleo ya Kata ambayo mwenyekiti wake ni Diwani, ila kweli Diwani hajaonyesha nia ya dhati yakutafuta ufumbuzi wa kudumu wa tatizo hili”

Hatahivyo mkt anashangazwa kuwa

“Ninashangaa zaidi kuwa viongozi wa mtaa wa Mateves wamefumbia majo jambo hili, afisa mtendaji anatambu ila wako kimya, wakazi wa mateves, wenye mashamba haya ambapo maji yanakatisha na yameshakuwa kama Mto wako kimya, maji haya yanaonekana kuwa na sumu, yanatoa harufu mbaya, kiasi cha kuchafua mazingira kwa harufu, kutiririka bila kusahau kuhatarisha afya ya wakazi, zaidi sana watoto ambao hawajitambui wamekuwa wkicheza kwenye mto huu wenye maji machafu”

Balozi nae alisema

Balozi Ndugu Aminiel John ameonyesha nae kusikitishwa na tatizo hili sugu “ndugu yangu mi ninasikitika kwasababu eneo la Mateves ambapo kiwanda kipo na kimejenga miundombinu mibovu ya maji taka viongozi wapo, ofisi ya mtaa ipi, Diwani ni jirani na hapa wote wamefumbia macho ufedhuli huu”

Akizungumza kwa uchungu mwananchi John Laizer wa Mtaa wa Mateves, alisema tulisha andika barua kwenye ofisi ya mtaa na wilaya kueleza kuhusu shida ya kiafya inayosababishwa na Kiwanda cha (A to Z) 

“Yaani mimi nashukuru kuwaona wakazi wenzangu wa mtaa wa Oloresho, sisi tumejaribu kupambana na tatizo hili lakini viongozi wetu ni Bure kabisa, mwenyekiti wa mtaa hana lolote, Diwani ndie kabisa hatutetei kabisa sisi tunaathiriwa na Arufu mbaya ya maji taka, maji hayo yamearibu mashamba yetu, daraja limearibika hata mtu ukitaka kutumia Gari kumpeleka mgonjwa kwa sasa ni shida kabisa huwezi kwsababu barabara imearibiwa” alisema John Laizer wa mtaa wa Mateves.

Wananchi Waliazimia

Wananchi walipokaa kikao tumeazimia tukague ukweli na madhara yaliyosababishwa na maji haya, wananchi walimeamua kwenda mguu kwa mguu kukagua maji hayo, eneo lililotengwa na Kiwanda kutitishiwa uchafu wote wa kiwanda, hata hivyo eneo lenyewe ni la wazi sana, ukuta umeanguka, bwawa la maji machafu halijawekwa kulingana na Maelekezo ya Baraza la Mazingira la Taifa (NEMC).

“Tumekagua tumejiridhisha kuwa mwekezaji huyu ni Adui wa Mazingira, Afya na Wakazi wa Olasiti, kwasababu kwa jinsi alivyojenga miundombinu yake ya majitaka na taka za kiwanda ina dhihirisha kuwa alidhamiria kufanya hivi” 

Azimio la Kikao na Matembezi ya Ukaguzi wa Madhara yanayosababishwa na maji taka ya kiwandani yatafuata baada ya kwenda kujadiliana katika kikao cha mitaa au kata ya Olasiti kwa Ujumla kwasababu ndio wanaoathiriwa na tatizo hili, kikao kitaamua cha kufanya. 

“Na mimi ni Mwananchi wa Olasiti, mdau wa Mazingira, Elimu na Afya, nimesikitishwa sana na Mwekezaji huyu wa (A to Z) kutupuuza na kutudharau kiasi hiki, kimsingi ninalaani jambo hili kwasababu ina hatarisha Uhai wa Viumbe, wanyama na binaadamu kwa ujumla. Nasikitishwa pia na Udhaifu ulio na unao onyeshwa na Viongozi walipewa dhamana yakuwatumikiwa wananchi wa Olasiti kutotekeleza matakwa ya Wananchi” 

Ninashauri Wananchi wa Olasiti, hasa wa mtaa wa Mateves na Oloresho kutambua kuwa kwasasa njia pekee iliyosalia ni kutumia “Nguvu ya Umma ili kupata Ufumbuzi wa Kudumu wa Tatizo hili”